Ortopediya bo’limi
Ortopediya bo‘limi suyaklar, bo‘g‘inlar, paylar va mushak tizimi bilan bog‘liq kasalliklarni aniqlash, davolash va oldini olishga ixtisoslashgan. Javohir klinikasining ortopediya bo‘limi zamonaviy diagnostika texnologiyalari, yuqori malakali shifokorlari va individual davolash usullari bilan bemorlarimizga samarali yordam ko‘rsatadi.
Diagnostika xizmatlari:
- Rentgenografiya yordamida suyak va bo‘g‘inlarning patologiyalarini aniqlash.
- MRT va MSKT yordamida yumshoq to‘qimalar, paylar va bo‘g‘inlarning holatini baholash.
- Ultrasonografiya (UZI) yordamida bo‘g‘in va suyaklarning shikastlanishlarini aniqlash.
- Qon va boshqa laborator tahlillar orqali suyak kasalliklarini tekshirish.
- Uzun naysimon suyaklarni BIOS ( Bloklovchi Intromedulyar Osteosintez) qilish amaliyoti
- Operatsiya jarayonida suyaklar repozitsiyasini ta’minlash maqsadida EOP apparatidan foydalaniladi.
- Va boshqa diagnostika xizmatlari.
Davolash xizmatlari:
- Tug‘ma yoki orttirilgan bo‘g‘in deformatsiyalarini davolash.
- Suyak sinishlari va bo‘g‘in chiqishlarini qayta tiklash va immobilizatsiya qilish.
- Artrit va artrozni konservativ va jarrohlik usullar bilan davolash.
- Sport jarohatlari va ortopedik shikastlanishlarni davolash va reabilitatsiya qilish.
- Umurtqa pog‘ona muammolari (skolioz, kifoz va lordoz)ni davolash.
- Bo‘g‘in almashtirish (protezlash) operatsiyalari.
- Plantar fassiit, yassi oyoqlik va boshqa oyoq muammolari uchun maxsus davolash dasturlari.
- Va boshqa davolash xizmatlari.
Qanday muammolar bilan murojaat qilish mumkin?
- Suyak va bo‘g‘inlarda og‘riq, shish yoki qattiqlik.
- Harakatda qiyinchilik yoki bo‘g‘inlarda qisirlash his qilinishi.
- Yiqilish yoki shikastlanishdan keyingi og‘riq va cheklangan harakat.
- Bolalarda suyak yoki bo‘g‘inlarning noto‘g‘ri rivojlanishi.
- Sport mashg‘ulotlaridan keyin shikastlanish yoki kuchli og‘riq.
- Umurtqa sohasidagi doimiy og‘riq va harakatning cheklanishi.
- Va boshqa muammolar.